Л.Эрхэмбаяр: ОХУ хэзээ ч манайхаас өндөг авахгүй

МҮХАҮТ болон Эдийн засгийн хөгжлийн яам хамтран өнөөдөр Монгол Улс, Евразийн эдийн засгийн холбоо хоорондын Чөлөөт худалдааны түр хэлэлцээрийн төслйин талаар бизнес эрхлэгчидтэй санал солилцох уулзалт зохион байгуулж байна. Тус хэлэлцүүлгээр Монгол Улс, Евразийн эдийн засгийн холбоо хоорондын чөлөөт худалдааны түр хэлэлцээрийг байгуулахад харилцан байх үүднээс Монголын бизнес эрхлэгчдийн саналыг сонсох, шаардлагатай бол  барааны жагсаалтыг эргэн харах, өөрчлөлт оруулах санал гаргах зэрэг асуудал хөндсөн юм. 

Энэ үеэр "Түмэн шувуут" ХК-ийн захирал Л.Энхбаяр "Яваандаа Монголоос ОХУ руу өндөг импортлодог болно гэнэ. Төр ийм үлгэр ярихаа болих хэрэгтэй. ОХУ хэзээ ч манайхаас өндөг авахгүй. Бид төр засаг, эдийн засгийн аюулгүй байдал, тусгаар тогтнолын асуудлыг нандигнан хайрладаг цаг үед амьдарч байна. Тиймээс Монгол Улс өөрийн гэсэн бодолтой байх хэрэгтэй. Гэхдээ Монголыг Евразид нэгдэж болохгүй гэж эсэргүүцэж байгаа юм биш. Худалдааны хувьд харилцан ашигтай байх чухал. Манайд дэлхийн түвшинд хүрэх компани олон бий. Тэд сэргэх нь ойлгомжтой" гэв.