Н.Амаржин: Утаанд 2 их наяд төгрөг зарцуулсан ч өөрчлөлт гаргаагүй

Н.Амаржин “Өнгөрсөн жил хэд хэдэн шийдлийн талаар ярилцсан. Ч.Ганжавхлангийн урилга зөв. Хамгийн түрүүнд онц байдал зарлах хэрэгтэй. Иргэд Ерөнхийлөгч, Их хурлын дарга, Ерөнхий сайдад шаардлага хүргүүлэхээр гарын үсэг зурж байна. Ингээд 30 хоногийн дотор ямар нэгэн төлөвлөгөө гаргаж өгөхийг хүсэж байгаа юм. Утаанд 2 их наяд төгрөг зарцуулсан байна. Гэхдээ утаа өмнөхөөсөө илүү нэмэгдсэн. Шийдэл талаасаа зах зээлийн зарчим руу шилжүүлж, мини станц барих, шахмал түлшиндээ арга хэмжээ авч хувийн хэвшил рүү шилжүүлэх чухал. Хувийн хэвшлээр автобусны буудлаа дулаалуулаад татвараас чөлөөлж болно. Заавал төсвөөр болсон болоогүй зүйл хийх албагүй. Цар тахлаас хойш бид цахим шилжилт хийсэн. Тиймээс ажлын таван өдрийн нэг өдөрт нь цахимд шилжиж болно. Олон шийдэл байна. Иргэд талбай дээр хүйтэнд ажил амьдрал, үр хүүхдээ умартаад 30 хоногийн дотор төлөвлөгөөгөө гаргаж өгөхийг шаардаж байна” гэв.