Ж.Баттуул:Сэтгүүлч Н.Өнөрцэцэг өлсгөлөн зарласанд санаа их зовж байна

Сэтгүүлч Н.Өнөрцэцэгийн ар гэрийнхэн шүүх хурлыг нээлттэй явуулахыг хүсэж суулт зарлаж байгаа билээ. Сэтгүүлч Ж.Баттуул ар гэрийнхэнтэй нь очиж уулзжээ.

Сэтгүүлч Ж.Баттуул: Хорих ангид Н.Өнөрцэцэг маань өлсгөлөн зарласан. Харин одоо гэр бүлийнхэн нь нээлттэй шүүгээд өгөөч гээд суулт зарлаж байна. Шүүх хурлыг нээлттэй шүүлгэх дээр олон түмэн, гэр бүлийнхэн, хүний эрхийн мэдрэмжтэй төрийн түшээд, гишүүд бүгд удаа дараа хүсэлт гаргасан.

Төрийн нууцтай холбоотой гэдэг зүйл ангиас болоод хаалттай шүүгээд байна. Төрийн нууцтай холбоотой хэрэг байдаг бол тэр хэргээ хаалттай шүүх хэрэгтэй. Бусад 4 хэргийг нь нээлттэй шүүгээд өгөөч. Ингэснээр цаашдаа сэтгүүлчдэд, иргэдэд сургамж болно. Хүн алдаж болно харин юун дээр алдсан гэдгийг бид мэдэх эрхтэй. Ямар хэрэг хийгээд хоригдоод байгааг олон түмэнд харуулах хэрэгтэй. Хүний эрх, эрх чөлөөг дээдэлсэн нийгэм мөн гэж найдаж байна. “Сэтгүүлч Н.Өнөрцэцэг өлсгөлөн  зарлалаа” гэсэн мэдээг сонсоод их эмзэглэж хүлээж авсан. Өлсгөлөн зарласны дараа хүний биед их хортой үр нөлөөтэй, эмэгтэй хүний хувьд энэ их чанга зүйл. Ар гэрийнхэнтэй нь уулзахад нөхцөл байдал төвөгтэй байгааг хэлж байна.