Н.Амгаланбаяр: Эгчийг минь Монголын ард түмэнд ил тод шүүгээд өгөөч

Сэтгүүлч Н.Өнөрцэцэгийн ар гэрийнхэн шүүх хурлыг нээлттэй явуулахыг хүсч буйгаа илэрхийлэн суулт зарлаж буй талаараа мэдээлэл өглөө.

Н.Өнөрцэцэгийн дүү Н.Амгаланбаяр: Бид бүхэн ямар хэрэг хийгээд шоронд орсныг нь мэдэхгүй байна. Тиймээс нээлттэй шүүхийг хүсэж хүсэж байна. Шүүх хурлыг нээлттэй хийснээр эргэлзээ тайлагдана, шударга нийгэм бий болно.

Өмгөөлөгч, хуульчид төрийн нууцтай холбоотой хэргээс бусад хэргийн нээлттэй явуулах боломжтой гэж үзэж байгаа. Төрийн нууцтай холбоотой хэргийг хаалттай шүүж болно.

Өмнөх шүүх хурал нүдэнд харагдаж байна. Үнэхээр аймшигтай байсан. Одоо дахиад алх цохиод аваад явчихыг хэн ч мэдэхгүй. Тийм учраас бид суулт хийж, үзэл бодлоо илэрхийлж байна.

Яг энэ хэвээрээ үргэлжилбэл бусад сэтгүүлч нар ч шоронд сууж, асуудалд орохыг үгүйсгэхгүй. Хуулийн байгууллага үнэн зөвөөр шүүх болтугай гэж найдаж байна.Бид шүүхэд итгэж байна.

Лам бөөгөөр явж ном уншуулахаас өөр ямар ч гарц гаргалгаа алга. Ял авсан хэргүүд нь их сонин санагддаг. Жишээлбэл:Татварын хэрэг нь аль ч улсад ял авдаггүй хэрэг юм билээ. Гэвч манайд “Эрүүгийн хуульд” оруулсан байдаг. Эргэлзээтэй зүйл олон байна.