Монголын хутга шидэгч нар дэлхийн аваргад оролцоно

Энэ 2024 оны 11 сарын 13-19-нд Беларусын нийслэл Минск хотноо болох Дэлхийн аварга шалгаруулах спортын хутга шидэлтийн тэмцээнд Монголын тамирчид оролцохоор бэлтгэл сургуулилтаа хангаж байгаа ажээ.

Тэмцээнд туршлагатай тамирчин Б. Амарбаясгалан, Т. Энхтөгөлдөр нар оролцон, багийн ахлагчаар Шиги компаний ерөнхий захирал Г. Эрдэнэбилэг нар Монгол Улсаа төлөөлж явна.
Анх удаа Монголын тамирчид ОХУ-ын Москва хотноо 2022 оны 11 сард болсон спортын хутга шидэлтийн ДАШТ-д эмэгтэй тамирчин Б.Должинсүрэн 4 метрийн ганцаарчилсан төрөлд 1 дүгээр байрт шалгарч , Б. Амарбаясгалан 4 метрийн ганцаарчилсан төрөлд 2 дугээр байрт шалгарч , эрэгтэй ангилалд Т. Энхтөгөлдөр нар өрсөлдөж байсан юм.
Харин өнгөрсөн 2023 онд ОХУ-ын Уфа хотод зохион байгуулагдсан Олон Улсын спортын наадмын хутга шидэлтийн төрөлд Б. Амарбаясалан, Б.Должинсүрэн нар амжилттай оролцон, 4 метрийн ганцаарчилсан төрөлд Б.Должинсүрэн 2 дугаар байр эзэлж мөнгөн медаль, Б.Амарбаясгалан 3 дугаар байр эзэлж хүрэл медаль хүртсэн ба багийн нэгдсэн дүнгээр 3 дугаар байрт шалгарч хүрэл медалийг хүртсэн билээ.
Тиймээс Монголын тамирчид 2024 оны ДАШТ-дээ урд нь амжилт сайн гаргаж байсан үндсэн зайн төрлүүддээ оролцохоор мэдүүлгээ гаргасан. Монголын баг тамирчид 11 сарын 7-нд эх орноосоо мордоно.
тамирчны ур чадвар, туршлага, төвлөрөл шаардсан энэхүү спортын тэмцээндээ амжилттай сайн оролцож, эх орныхоо нэрийг өндөр өргөн мандуулахыг хүсэн ерөөе!