Ч.Номин: Соёлын эрхийн бичиг бол халамж биш хөгжил

Соёлын сайд Хүүхэд, залуучуудийн хөгжилд тулгамдаж буй асуудал мөн цаг үеийн асуудлаар мэдээлэл хийлээ.

Ч.Номин: Соёлын эрхийн бичгийн хувьд дөрвөн жилийн турш судалгаа хийсэн.  Монгол Улсын хэмжээнд 2020 онд өсвөр насныханд чиглсэн ажил маш бага байгаагаас үүдэн амиа хорлолт, гэмт хэрэг өсөж байна. Олон шалтгааний улмаас хүүхдийн хөгжлийн асуудал их хоцрогдож байна. 

Судалгаанаас харахад 2021 онд гэмт хэрэгт холбогдсон  тоон судалгааг харахад 3.7 хувь нь өсвөр насныхан байсан бол 2022  онд 5.4 хувь болж нэмэгдсэн. Зургаан хүүхэд тутмын нэг нь амиа хорлох сэдэл төрж байгаа нь тун харамсалтай. Тиймээс өсвөр насныханд илүү анхаарч ажиллах шаардлага тулгарч байна. Бодлогоор хүүхэд залуучуудад зориулсан олон төрлийн соёл, спортын үйл ажиллагааг явуулах нь чухал хэмээн үзэж байна. Бид өсвөр насныханд зориулсан соёлын эрхийн бичгийг халамж гэж бодохгүй байна.