С.Цэнгүүн: Эрчим хүчний реформ зөвхөн салбарын асуудал биш, тусгаар тогтнолтой холбоотой

Эрчим хүчний дараагийн реформыг хийхээр шийдвэр гаргах түвшинд хэлэлцэж байгаа билээ. Үүнтэй холбогдуулан Эрчим хүчний хорооноос мэдээлэл хийлээ.

УИХ-ын гишүүн С.Цэнгүүн: Эрчим хүчний реформыг УИХ-ын 126 гишүүнээс 103 гишүүн гарын үсэг зурж, дэмжихээр болсон. Энэ нь парламентын 80 хувьд тэнцэж байна. Эрчим хүчний реформ явагдсанаар, суурь салбар хөгжиж Монгол Улсын хөгжлийн бодлого тодорхойлогдоно. Үүний хажуугаар УИХ-ын гишүүд Эрчим хүчний үндэсний хороо дээр анхаарч ажиллах хэрэгтэй. 

Бид ганцхан үнэ тарифтай холбоотой асуудлаар дэмжээгүй энэ эрчим хүчний салбарын реформыг цогцоор хийхийн тулд дэмжиж ажиллаж байгаагаа илэрхийлж байна. УИХ-ын гишүүд хяналт шалгалтын үүргээ биелүүлж эрчим хүчний салбарт байгаа он удаан жил бүтцээрээ шинэчлээгүй асуудал дээр анхаарч ажиллана гэдгээ илэрхийлж, зорилтыг хэрэгжүүлээд ажиллаж байна. Засгийн газарт шийдвэр гаргах түвшинд ажиллаж байгаа сайд нар сайн гүйцэтгэлтэй, хурдтайгаар энэ шинэчлэлтийг хийгээсэй хэмээн хүсэж байна. Эрчим хүчний реформ гэдэг зөвхөн энэ салбарын асуудал биш, бүх салбаруудад нөлөөтэй учир маш том агуулгаар Монгол Улсын тусгаар тогтнолтой холбоотой зүйл" гэлээ.