Шинэ Зеландын нисэх онгоцны буудал тэврэлтэд гурван минутын хязгаарлалт тогтоожээ

Шинэ Зеландын өмнөд арлын хоёр дахь том хот Данидын нисэх онгоцны буудал нэгэн сонирхолтой дүрэм журам нэвтрүүлжээ.

Нисэх онгоцны буудлын ачааллыг бууруулах зорилготой салах ёс гүйцэтгэх тэврэлтэд гурван минутын хязгаарлалт тогтоожээ. Нисэх буудлын зорчигчдын ачааллыг бууруулах зориулалттай  байрлуулсан самбарт "Хамгийн удаан тэврэх хугацаа гурван минут" гэж бичжээ. "Удаан салах ёс гүйцэтгэе" гэж байгаа хүмүүс онгоцны буудлын зогсоол руу очихыг зөвлөжээ.

Гүйцэтгэх захирал Дан Дэ Боно хэвлэлд тодруулга хэлэхдээ "Биднийг хүний үндсэн эрхийг зөрчсөн, хэн нэгнийг хэр удаан тэврэхийг хязгаарлаж зүрхлэх вэ" гэж буруутгасан. Гэвч талархан хүлээж авч дэмжиж буй хүмүүс багагүй байгааг дурдсан юм.

Тэд мэдэгдэлдээ 20 секунд тэврэх нь бие махбодыг тайвшруулахад нөлөөлдөг гормон болох окситоцин болон серотониныг ялгаруулахад хангалттай. Ийнхүү салах хугацааг богино болгосноор илүү олон хүнд салах ёс хийх боломжийг олгож байгаа тухай онцолсон юм.

Эх сурвалж: Aljazeera