Г.Оюунгэрэл Монгол хатны хувцас өмсөж, 42 км-ийн марафонд дэлхийн дээд амжилт тогтоожээ

Г.Оюунгэрэл монгол дээл, малгайтай 42 км гүйж, дэлхийн дээд амжилт тогтоож гайхамшгийг бүтээв. Тэрбээр цахим хуудастаа "Канад Улсын Торонто хотын “TCS Toronto Waterfront” марафонд Монгол үндэснийхээ өв соёлыг сурталчлан таниулах, түүх ёс заншлаа дээдлэн бахархах зорилгоор Монгол үндэсний өв соёл 13-р зууны Монгол хатны богтаг малгайг монгол дээл, уужийн хамт өмсөж, бүтэн марафон буюу 42.195 км зайд амжилттай гүйж, энэ хувцасны ангилалд дэлхийн гиннесийн амжилтыг 3:40:28 цагийн амжилтаар тогтоолоо" гэж бичжээ. 

Ийнхүү үндэснийхээ өв соёлыг сурталчлан таниулах, судлан мэдэх, түүх ёс заншлаа дээдлэн бахархах зорилгоор монгол хатны Богтаг малгайг монгол дээл, уужийн хамт өмсөж бүтэн марафон буюу 42 км зайд гүйж Гиннесийн рекордод бүртгүүлж чадлаа.

 Г.Оюунгэрэл нь дэлхийн алдарт зургаан том марафонд амжилттай оролцож, өнгөрсөн зун “Зургаан-Од” медалиа гардан авч, бахдам амжилт үзүүлж байсан юм.