ТӨСВИЙГ МӨШГӨЕ: Найдваргүй зээлдэгч Х.Бат-Эрдэнэ Хөгжлийн банкнаас зээл авсандаа харамсаж буйгаа илэрхийлэв

Монгол Улсын тод манлай уяач Х.Бат-Эрдэнэ дотоодын зах зээлийг хуурай сүүгээр хангана гэж Хөгжлийн банкнаас 2017 онд 15 сая ам.долларын зээл авсан байдаг. Гэвч сүүний үйлдвэр барих ажил нь замхарч, зээлээ зориулалтын бусаар ашигласан асуудлаар шүүхэд дуудагдаад тав дахь жилтэйгээ золгож байна. Харин тэрээр Хөгжлийн банкны шүүх хурлын үеэр “Хөгжлийн банкнаас зээл авсандаа харамсаж байна” гэв. Улс орны хөгжилд хувь нэмэр оруулах төслүүдийг дэмжих зорилготой зээлийг давуу байдлаа ашиглан авч, зээлээ зориулалт бусаар зарцуулаад зогсохгүй өнөөдрийг хүртэл төлөөгүйд харамсах нь иргэд байлтай. 

Дашрамд дурдахад, Х.Бат-Эрдэнэ нь уг зээлийг авахдаа Хөгжлийн банкны гүйцэтгэх захирал асан Б.Батбаяртай үгсэн хуйвалдаж, зээлийн үнийн дүнгийн 10 хувьд ч хүрэхгүй барьцаа хөрөнгөөр зээлийг гаргуулсан байдаг. Өнөөдрийн байдлаар уг зээлийн дөнгөж1.2 тэрбумыг л төлөөд байгаа.