Малын ''цагаан тариа''-ны АЮУЛ

Малчдын өргөн хэрэглэдэг “цагаан тариа” буюу ивомек тариа монгол малын маханд нэвт шингэсэн гэхэд хилсдэхгүй. Малчин болгоны авдарт уут дүүрэн хадгалаастай байдаг уг тариа нь тарга тэвээрэг сайн авхуулдаг тариа гэж ойлгогддог бөгөөд үндсэн үйлчилгээ нь   хачиг, хувалз, гэдэсний шимэгчдийг устгах үйлчилгээтэй хүчтэй эм. Тус тарианы нөлөөлөл 30-45 хоногийн дараа малын биеэс гадагшилдаг ажээ. Харин бид яг ийм махыг хэрэглэж байгаа юу. Эмч нар “Антибиотик тарьсан малын махыг хүн идсэнээр төв мэдрэлийн тогтолцоог нь дарангуйлж, цусны найрлага өөрчлөгдөн элэг, бөөр гэмтэж, тархинд цусны тогтонгит нэвчрэлт болно. Ялангуяа жирэмсэн, хөхүүл эмэгтэйчүүд, бага насны хүүхдүүдэд аюултай” хэмээн анхааруулдаг. Өөр нэгэн эх сурвалж дээр “Сүүлийн үед малд антибиотик их хэрэглэх болсон байна. Харин малын биеэс антибиотик гарч амжаагүй байх үед махыг нь хэрэглэснээр хүний биед антибиотикт дасалтай нян үүсэх эрсдэл бий болж байгааг Дэлхийн эрүүл мэндийн байгууллагаас Монгол Улсад анхааруулжээ” гэжээ.

Хэдэн жилийн өмнө малчид малын эмчийн зөвшөөрлөөр, хяналттайгаар уг тариаг тарьдаг байсан бол сүүлийн хэдэн жил хэн дуртай нь эмийн сангаас бөөндөж авч, малын тарга тэвээрэг муудах төдийд, эсвэл худалдан борлуулахынхаа өмнө таргалуулна гэсэн үндэслэлээр тарьдаг болжээ. 

Антибиотик хүний биед ямар муу нөлөөтэй тухай та бид сайн мэднэ. Тиймээс эрүүл мэндээ бодох үүднээс мах худалдаж авахдаа баталгаатай, шинжилгээний бичигтэй, хяналт бүрэн хийгдсэн мах худалдаж авахгүй бол, бид өөрсдөө өвчнөө худалдаж авч идээд байгаа нь асуудлын гол шалтгаан болж байна. Хамгийн түрүүнд нялх үрсээ, жирэмсэн болон хөхүүл эхчүүд минь баталгаатай махыг хэрэглэхгүй бол шууд нөлөөлөхийг анхаараарай.