Идэрчүүдийн УАШТ Хэнтий аймагт амжилттай зохион байгуулагдаж өндөрлөлөө

Хэнтий аймгийн 100 жилийн ойн нэрэмжит Монголын волейболын холбооны Идэрчүүдийн Улсын аварга шалгаруулах волейболын тэмцээн өнгөрөгч гуравдугаар сарын 17-ноос энэ сарын 3-ныг хүртэл тус аймгийн Чингис хотноо зохион байгуулагдаж хаалтаа хийлээ. Тус тэмцээний эрэгтэй төрөлд МУБИС НОЁН баг, эмэгтэй төрөлд БАЯНХОНГОР АЙМГИЙН ШАНДАС ТРАНС баг аваргын алтан медаль хүртлээ. Харин эрэгтэй төрөлд дэд байрт СЭЛЭНГЭ ТАВАН ХАН НОЁН, гутгаар байрт ХЭНТИЙ БТСГ, эмэгтэй төрөлд дэд байрт ХИЛЧИН баг, гутгаар байрт СЭЛЭНГЭ ТАВАН ХАН НОЁН баг тус тус шалгарсан байна.

Шагналыг тус аймгийн Засаг дарга Ц.Чогсомжав, АИТХ-ын дарга Г.Хэрлэнчулуун, МВХ-ны ТУЗ-ийн тэргүүлэгч гишүүн Т.Сайнжаргал, Хэнтий аймгийн волейболын холбооны тэргүүн Д.Түвшинжаргал, Нарийн бичгийн дарга З.Энхболд нар гардууллаа.

Ташрамд дурдахад, Хэнтий аймаг волейболын спортыг хөгжүүлэх, бие бялдрын хөгжилтэй бие хүнийг бий болгон төлөвшүүлэх, магадлан итгэмжлэгдсэн клубын системийг нэвтрүүлэх зорилгоор 2027 оныг хүртэл хэрэгжих “Хаан бөмбөг” хөтөлбөрийг ИТХ-аараа хэлэлцэн баталсан. Энэ хүрээнд тус тэмцээнийг Хэнтий АЗДТГ, “Хаан бөмбөг” хөтөлбөр, аймгийн Волейболын холбоо, МВХ хамтран зохион байгууллаа. Харин ирэх 2024 оны Идэрчүүдийн УАШТ-нийг МВХ-нд саналаа хүргүүлсэн аймагт зохион байгуулах юм байна.