Алимны цууг тогтмол хэрэглэснээр эрүүлээр жин хасдаг

Алимны цууны ашиг тусыг хүмүүс эрт дээр үеэс олж мэдэн хоол хүнс, эрүүл мэнддээ ашигласаар ирсэн байдаг. Гэвч Монголчуудын дунд Алимны цууг уксустай андуурах тохиолдол цөөнгүй тулгардаг. Тэгвэл Алимны цуу гэж юу вэ гэсэн асуултад мэргэжилтнүүд дараах  хариултыг өглөө. 

Хоол боловсруулах эрхтэн судлалын эмч Н.Туул: 

Цуу гэхээр яг Монгол хүний сэтгэхүйд уксус, хоол амталдаг цуу гэсэн ойлголт төрөх байх. Гэхдээ алимны цуу нь хоол амталдаг, хэрэглэдэг цуу биш юм. Алимны цууг эмчилгээний, аливаа өвчнөөс урьдчилан сэргийлэх хоёр зорилгоор хэрэглэдэг. Хүний ходоодны хүчил болохоор 7.6 хүчиллэг байдаг. Гэтэл энэ алимны цуу 5 проценттэй бөгөөд 230 грамм усаар шингэлэх юм бол 0.3 процент болно. Энэ 0.3 гэдэг процент нь 7.6-тай харьцуулах юм бол маш бага процент. Тэгэхээр энийг бид эмчилгээний болон өвчнөөс урьдчилан сэргийлэхээр хэрэглэж болно. 

Хүнсний технологич О.Хонгорзул: 

Алим нь шим тэжээлийн бодисоос гадна пехтин, ферментүүд амин хүчлүүд гээд хүний биед зайлшгүй шаардлагатай 20 гаруй нэр төрлийн элементүүдийг өөртөө агуулж байдаг. Тэгэхээр энэ элементүүд нь эсэх процесст алимнаас алимны цуу руу шилждэг гэсэн үг. Алимны цууны органик гэсэн тэмдгийг авахын тулд бүхорж байгаа түүхий эд, материал хэрэглэж байгаа зүйлүүд органик гэсэн шаардлагыг хангасан байх шаардлагатай. Тэгэхээр энийг хийхийн тулд органик алимыг аваад шүүсийг нь шахдаг юм уу, бяцалдаг юм уу тухайн үйлдвэрийнхээ технологийн онцлогоос шалтгаалан үйлдвэрлэдэг гэлээ. 

Тэгвэл Алимны цууг туушдаа хэрэглэснээр ямар ач тустай вэ? 

• Биеийн жин бууруулна
• Биеийн дотоод өөх хайлуулна
• Биеийн хоол шингээх чадварыг дээшлүүлнэ
• Өтгөн хаталтыг багасгана
• Цусан дахь сахарын хэмжээг бууруулна
• Биеийн холестриныг бууруулна
• Цусны даралтыг тогтворжуулна
• Цөсний чулуу хайлуулахад туслана
• Үе мөчний үрэвсэлийг багасгана
• Хоолойны үрэвсэлийг дарна
• Биеийн хүчил шүлтийг тэнцвэржүүлнэ

Хэрхэн хэрэглэх вэ?

• Өглөө, өдөр, орой хоолны дараа гурван удаа ууна. 1-2 хоолны халбага алимны цууг 250-350мл хүйтэн эсвэл бүлээн усанд найруулан ууж болно. Анх удаа ууж үзэж байгаа хүнд уухад эвгүй байвал нэг халбага зөгийн бал холиод уугаад үзээрэй.
• Алимны цуугаа найруулж уухдаа соруулаар уух нь шүдний пааламг гэмтээхгүй болно

Хориглох зүйлс 

• Усанд найруулахгүйгээр шууд ууж болохгүй.
• Ходоодны шархтай бол ууж болохгүй.
• 13-аас доош хүүхэд ууж болохгүй
• Уугаад шууд унтаж болохгүй
• Цууг шууд үнэртэж уушиглаж болохгүй
• Их хэмжээгээр ууж болохгүй хэмээн заажээ
• Инсулин тариулж байхад ууж болохгүй