“Хөгжлийн харандаа экспо” ес дэх жилдээ зохион байгуулагдана

Нийслэлийн Гэр бүл, Хүүхэд, Залуучуудын хөгжлийн газраас Нийслэл хот байгуулагдсаны 383 жилийн ойн хүрээнд “Хөгжлийн харандаа экспо” ес дэх жилдээ, “Карьер экспо” дөрөв дэх жилдээ зохион байгуулагдах гэж байна.

Экспо аравдугаар сарын 15, 16-нд буюу энэ амралтын өдрүүдэд Монголын үйлдвэрчний эвлэлийн соёлын төв ордонд 10:00-18:00 цагийн хооронд зохион байгуулагдана.
Экспогоор хүүхдийн хөгжил, оролцооны 50 гаруй байгууллага, нээлттэй ажлын байраа танилцуулах 35 аж ахуй нэгж, залуучуудад зориулсан үйл ажиллагааг танилцуулах 10 гаруй байгууллага оролцохоос гадна хүүхэд, гэр бүл, залуучуудад зориулсан лекц гэх мэт үйл ажиллагаа болно. Хүүхэд багачууд, залуучууд, эцэг эхчүүд та бүхнийг хүрэлцэн ирэхийг урьж байна.
Цахим холбоос: https://www.facebook.com/events/1193665168158479/?active_tab=discussion