“Хуучир хуучилсан хууч”

Төрийн соёрхолт, Ардын жүжигчин, Хөдөлмөрийн баатар, Зууны манлай алдарт уртын дууч Н.Норовбанзадын нэрэмжит Төв халхын дуулалт жүжгийн театрын уран бүтээлчид ээлжит шинэ уран бүтээлээ туурвиж үзэгчдийн хүртээл болгохоор ажиллаж байна.

Тэд Яруу найраг, үргэлжилсэн үг, жүжгийн зохиолч, утга зохиол судлаач, орчин үеийн Монголын уран зохиолыг үндэслэн байгуулагчийн нэг СОДНОМБАЛЖИРЫН БУЯННЭМЭХ-ын амьдрал уран бүтээлээс нь сэдэвлэн ХУУЧИР ХУУЧИЛСАН ХУУЧ  дуулалт жүжгийн тайзнаа амилуулахаар бэлтгэл ажилдаа оржээ.

С. Буяннэмэх нь монголын орчин үеийн уран зохиолын түүхэнд нэр төртэй байр суурь эзлэх бөгөөд түүний зохиол бүтээлүүд нь өдгөө ч бидний оюун санааг тэтгэсээр.

Содномбалжирын Буяннэмэх нь Монголын орчин үеийн уран зохиолыг үндэслэгчдийн нэг бөгөөд Алдарт Гавъяат Уран зохиолч, Хувьсгалт хэвлэл, утга зохиол, судлал шүүмжлэл, урлагийн нэрт зүтгэлтэн. Тэрээр 1902 онд хуучин Түшээт хан аймгийн Говь түшээ гүний хошуу одоогийн Дундговь аймгийн Дэлгэрхангай сумын Бор хурууны бууц хэмээх газар эх Думаагийнхаа ууган хүү болон мэндэлсэн юм.

Түүний мэндэлсэний 120-н жилийн ой энэ онд тохиож төрөлх нутгийнх нь авьяаслаг уран бүтээлчид амьдрал уран бүтээлийг нь ирээдүй хойч үедээ өвлүүлэх, сурталчилан таниулах зорилгоор эл бүтээлийг туурвиж буй.

Тус жүжгийн Ерөнхий продюсерээр ТХДЖТеатрын дарга МУУГЗ Д.Доржсүрэн

Ерөнхий найруулагчаар СУУГЗ Ч.Найдандорж, Ерөнхий зураачаар УДЭТ-ын ерөнхий зураач УГЗ Т.Ганхуяг нар ажиллаж байна.