Хэнтий аймгийн төрөх тасагт хөдөө, орон нутгаас ирсэн ээжүүдэд зориулж "Эхийн амрах байр"-ыг тохижуулжээ

Өнгөрсөн онд улсын төсөв 600 гаруй сая төгрөгийн төсөвт өртөгтэйгөөр Хэнтий аймгийн Нэгдсэн эмнэлгийн төрөх тасгийн барилгад их засвар хийжээ. Тус эмнэлгийн 1 давхарт нь Дэлхийн зөн олон улсын байгууллагын Бор-Өндөр 2 ОНХ, орон нутгийн дэмжлэгтэйгээр жирэмсэн эхчүүдийг амрахад зориулсан эхийн амрах байрыг тохижуулсан байна.

Энэхүү байранд сум орон нутгаас төрөх хугацаа нь болсон эмэгтэйчүүд ирж хэвтдэг бөгөөд дотроо дүш, угаалгын машин, гал тогооны хэрэгслүүд цөм байдаг тул гэртээ байгаа юм шиг тохитой байдаг хэмээн ээжүүд маань ярьж байсан юм.

 Аймгийн Засаг дарга Ц.Чогсомжавын зүгээс төрөх тасгийн үйл ажиллагаатай танилцах үеэрээ эмнэлгийн удирдлагуудаас тавьсан хүсэлтийн дагуу гал тогооны иж бүрэн хэрэгсэл олгохоор болжээ.