Японы эгч дүү аваргууд

Токио-2020 олимпын наадмаар ах, дүүс, эгч дүүс медаль хүртсэн хэд хэдэн тохиолдол гарсан. Жүдо бөхөөр ах, дүү Абэ нэг өдөр эрэгтэй, эмэгтэй төрөлд алтан медаль, Унгарын сонгол бөхийн төрөлд ах, дүү Лоринцууд алт, мөнгөн медаль хүртсэн. Тэгвэл чөлөөт бөхийн эмэгтэй төрөлд Японы эгч дүүс хоёр өдөр дараалан олимпын алтан медаль хүртлээ. 
Эмэгтэй 62 кг-н жинд Юкако Кавай түрүүлж олимпын аварга болсон бол маргааш нь 57 кг-н жинд эгч Рисако Кавай мөн түрүүлж олимпын аварга болсон. 
Чөлөөт бөхийн төрөлд эгч, дүүс олимпын медалтнууд гарч байсан ч нэг олимпын наадмаас олимпын аварга гарч байгаагүй. Тэгвэл эгч, дүү Кавай нар нэг олимпын наадмаас хамтдаа алтан медаль хүртсэн байна.