АНУ нь ОХУ-ын эсрэг ээлжит хориг арга хэмжээ авч, дипломатуудыг нь нутгаасаа хөөж гаргана

АНУ нь Оросыг арваад өндөр албан тушаалтан, 20 том компанийн эсрэг хориг арга хэмжээ авч, элчин сайдын яаманд ажиллаж байгаа 10-н дипломат ажилтныг нутгаасаа албадан гаргах шийдвэр гаргах гэж байгаа тухай “Bloomberg” агентлаг мэдээлжээ. Оросыг Америкийн Ерөнхийлөгчийг сонгуульд хөндлөнгөөс нөлөөлөх гэж оролдсон, том компаниудын эсрэг хакер дайралт хийсний төлөөх ингэж шийтгэж байгаа юм байна. Энэ талаар Байдены захиргаа нь ойрын хугацаанд албан ёсоор мэдээлэх юм байна. 

  Үүний өмнөхөн Цагаан ордны хэвлэлийн төлөөлөгч Жен Псаки нь Оросын эсрэг ямар хориг арга хэмжээ авах тухай удалгүй мэдээлнэ гэж байсан юм. 

  ОХУ нь Ерөнхийлөгчийн сонгуульд нөлөөлөх гэсэн, том компаниуд руу хакер дайралт хийсэн гэх мэт зэмлэлийг үгүйсгэж байгаа бөгөөд Америкийн албаны хүмүүс ганц ч нотлох баримт гаргаж олон танилцуулаагүй байгааг онцолж байгаа юм. Оросын талын тайлбарлаж байгаагаар энэ бүх хакерын дайралт, сонгуульд нөлөөлсөн зэрэг үндэслэлгүй шалтгаан төдий бөгөөд Оросын эсрэг хориг арга хэмжээг тэдэнтэй тэдэнгүй хэдийн авахаар төлөвлөөд байсныг харуулж байгаа аж. Жишээ болгож Трампыг ялуулсан гэж сонгуулийн дараа явуулсан мөрдөн байцаалтыг зааж байна. Америкийн тусгай албад маш нарийвчилсан мөрдөн байцаалт явуулаад ОХУ нь Трампыг сонгуулиар ялахад ямар нэг байдлаар нөлөөлсөн гэх нэг ч баримт олоогүй юм.