Путины “нууц ордон”-ы талаар тайлбар хийжээ

Оросын Ерөнхийлөгч Владимир Путины хэвлэлийн төлөөлөгч Дмитрий Песков нь сөрөг хүчний удирдагч Навальныйн бэлдсэн “Путины нууц орд харш” –ийн талаарх баримтат кинонд тайлбар өгчээ.

 Песков хэлэхдээ “Путин тэнд юу ч хийдэггүй юм, ПутиндГележикт ордон ер байхгүй. Ерөнхийлөгчийг  чиглэсэн мэдээллийн дайралт хийхээр бэлдэж байгаа тухай бид эртнээс мэдэж байсан. Тэр болгон нь нөхцөл байдлыг савчуулах, тогтворгүй болгох зорилготой юм. Бодит байдалд нийцэх нэг ч зүйлгүй, дан худал” гэжээ. Мөн энэхүү илчилсэн гээд байгаа баримтат киног үзэж байгаа хүн бүр юун түрүүнд эрүүл саруулаар сэтгэж “Энэ бүхэнд Путин ямар хамаатай юм бэ?” гэж өөрөөсөө асууж байх хэрэгтэй гэжээ. Түүнчлэн Геленжикт баримтат кинон дээр гардаг шиг объект үнэхээр байдаг, эзэн нь тэс өөр хүмүүс, хувийн өмч гэсэн байна. Оросын хуулийг зөрчөөгүй л бол бизнес эрхэлдэг хүн Орос улсад ямар ч объект эзэмшиж болно, тэр болгонд ОХУ-ын Ерөнхийлөгч ямар ч хамааралгүй гэжээ.

Путин руу дайрч давшилсан, худал илчилсэн баримтат кино нь дэмжигчид болон учрыг нь сайн олоогүй иргэдээс  хандив цуглуулах гэсэн бас нэг зорилготой байсан гэдгийг Путины хэвлэлийн төлөөлөгч мөн онцолжээ.