Сэнкакү арлын маргаанд Японы дэмжинэ гэдгээ мэдэгджээ

АНУ-ын шинээ томилогдсон Батлан хамгаалахын сайд Ллойд Остин нь Японы мэргэжил нэгтэнтэйгээ утсаар ярьсан тухай Пентагоны хэвлэлийн алба мэдээлсэн байна. Пентагоны тэргүүн нь утсаар ярилцах үеэрээ АНУ ба Япон хоорондын аюулгүй байдлын тухай гэрээний 5 дугаар зүйлд Сэнкакү арлууд ч багтааж байгааг дахин батлаад Өмнөд Хятадын тэнгисийн статус- квог өөрчлөх гэсэн өрөөсгөл оролдлого бүрийг АНУ эсэргүүцнэ гэж мэдэгдсэн байна. 

 Өөрөөр хэлбэл БНХАУ ба Япон хоорондын газар нутгийн маргааны бай болоод байгаа Сэнкакү арлыг тойрсон маргаанд зэвсэг хэрэглэх шаардлага гарвал АНУ нь Японы эрх ашгийг хамгаалах юм байна. Түүнчлэн хоёр улсын Батлан хамгаалахын сайд нар нь Япон дах Америкийн цэргийн хүчний шилжилт хөдөлгөөн, Энэтхэг-Номхон далайн бүс нутгийн аюулгүй байдал, Хойд Солонгосын асуудлаар санал солилцжээ.

 Үүнээс өмнө буюу бүр 2017 онд Ерөнхийлөгч асан Дональд Трамп нь Ерөнхий сайд асан Абэ Синзотойярихдаа хоёр улсын цэргийн холбоо нь Зүүн Хятадын тэнгис дэх Хятадын булаацалдаад байгаа арлуудад хамаатай гэж мэдэгдэж байжээ.