"ТВ4" телевизийн сэтгүүлч, зураглаачийн аминд хүрсэн гэх хэргээр Б.Галсансүхийг шүүж байна

УИХ-ын сонгуулийн үеэр буюу 2020 оны 6 дугаар сарын 20-ны 02:00 цагийн орчимд Төв аймгаас УБ хот руу явах замд буюу Хан-Уул дүүргийн 14-р хорооны нутаг дэвсгэрт Тоёота Ланд-200 маркийн автомашин осолдсон ноцтой ослын улмаас ажил үүргээ гүйцэтгэж явсан сэтгүүлч Г.Батхүү, зураглаач Д.Дөлгөөн нар амь насаа алдсан харамсалтай хэрэг гарсан. Осол гаргасан жолооч нь яруу найрагч Б.Галсансүх бөгөөд тэрээр руль гацсан гэж мэдүүлдэгч ослын дүгнэлт нь "Үзэгдэх орчин муутай үед хурдаа тохируулаагүй" гэж гарсан байна. Гэтэл өнөөдрийг хүртэл Б.Галсансүх талийгаачийн ар гэрийнхэнтэй уулзаагүй байгаад хохирогчдийн ар гэрийнхэн гомдолтой байгаа юм. Тэгвэл өнөөдөр /2021.01.22/ уг хэргийн шүүх хурал Хан-Уул дүүргийн эрүүгийн хэргийн анхан шатны шүүх дээр 13:30 цагт эхлэх гэж байна. Талийгаач Г.Батхүүгийн гэргий 1 ойгоос 14 насны дөрвөн хүүхэдтэй өнчирч үлдсэн бидний сэтгэлийг дэвтээж таван удаа хойшилсон шүүх хурал өнөөдөр болж хэргийг үнэн зөвөөр шийдээсэй хэмээн хүсэж буйгаа илэрхийлсэн юм.