COVID-19-оор хамгийн олон хүн эндсэн долоо хоног

Өнгөрсөн долоо хоногт 93 мянга гаруй хүн COVID-19 –ийн улмаас эндсэн нь цар тахал эхэлснээс хойш хамгийн олон хүн эндсэн үзүүлэлт болсон тухай ДЭМБ мэдээлсэн байна. Дэлхийн эрүүл мэндийн байгууллагаас долоо хоног бүр дэлхий тархвар зүйн нөхцөл байдлын талаарх мэдээлэлд дурдсанаар нэгдүгээр сарын 11-ээс 17-ны өдрүүдэд дэлхий дээр COVID-19-ийн улмаас нас барсан 93 мянга 882 тохиолдол бүртгэгдсэн нь өмнөх долоо хоногоос 9% өссөн үзүүлэлт. Долоо хоногийн хугацаанд 4 сая 725 мянга 25 хүн халдвар авсан нь өмнөх долоо хоногийнхоос 6 % багассан байна. Өвчлөлийн тоо Африк, Газрын дундад тэнгисийн зүүн хэсэг, Номхон далайн баруун хэсэгт нэмэгдсэн бол Америк, Европ, Зүүн Өмнөд Азид цөөрсөн байна. Өмнөд ба Хойд Америкт 2,46 сая хүн өвдөж, 37 мянга гаруй нь нас барсан. Харин Зүүн Өмнөд Азид 200 мянга гаруй хүн шинээр өвдөж, нас баралтын тоо 3,4 мянгаар нэмэгдсэн байна.

 Халдвар авсан хүний тоогоор АНУ тэргүүлсэн хэвээр байна. Тэнд долоо хоногийн дотор 1,5 сая хүн шинээр халдвар аван бол Бразилд 379 мянга, Их Британид 339 мянга, ОХУ-д 116 мянга, Францад 125 мянга, Германд 124 мянга, Колумбад 114, ӨАБНУ-д 111 мянга, Италид 110, Энэтхэгт 107 мянган хүн тус тус халдвар авчээ.