​Ч.Хүрэлбаатар: Оффшороос нэг ч төгрөг төрийн санд орж ирээгүй, тэглээ ч Монголд диктатор гараад ирчихсэн юм уу?​

Монгол Улсын Ерөнхийлөгч Х.Баттулга өчигдөр өрх бүрт нэг сая төгрөгийг оффшор бүсийн мөнгөнөөс олгох тогтоолын төсөл өргөн барьсан. Энэ мөнгийг Монголбанкин дээр тусгай сан байгуулж байршуулна гэж мэдэгдсэн. Тэгвэл их хэмжээний мөнгө цүнхээр, шуудайтай каргогоор ирэх боломжгүй. Монгол Улсын Төрийн сан эсвэл Монгол банкаар гүйлгээ нь хянагдаж орж ирэх ёстой. Төрийн санд оффшор бүсээс хэдэн төгрөг орж ирснийг Сангийн сайд Ч.Хүрэлбаатараас тодрууллаа. Тэрбээр “оффшороос ямар ч мөнгө төрийн санд орж ирээгүй. Оффшороос мөнгө оруулж ирвэл улсын орлого эсвэл тухайн иргэний мөнгө эсэхийг шүүх эцэслэн тогтоох ёстой. Хувь хүний хөрөнгийг улс хураан авахыг зөвхөн шүүх шийднэ. Монгол хуульгүй, дүрэмгүй улс уу. Диктатор гараад ирчихсэн юм уу” гэсэн хариултыг өглөө.