Коронавирусийг Ухань дахь лабораториос алдаагүй гэв

Цар тахлыг үүсгэсэн SARS-COV-2 корона вирусийг Хятадын Ухань хотын лабораториос алдагдсан байж магдйгүй талаар АНУ-ын Ерөнхийлөгчийн зөвлөхийн Поттингерын хэлснийг БНХАУ албан ёсоор үгүйсгэсэн байна.

БНХАУ-ын ГХЯ-ын албан ёсны төлөөлөгч Хуа Чуньинэнэ талаар мэдэгдэл хийхдээ “Ухань дах лабораториос вирус алдагдсан тухай таамаглал гэгчийг бүгд мэднэ. Өвчний тархалтын салбарт ажилладаг дэлхийн түвшний бүх эрдэмтэд, шинжээчид, тэдгээрийн дотор Америкийн мэргэжилтнүүд хүртэл энэ онолыг шүүмжилдэг” гэжээ. Түүнчлэн Америкийн албаны хүмүүсийн энэ мэт яриа ямар ч үндэслэлгүй талаар Хятадын эрдэмтэд нэг бус удаа тайлбар хийж байсныг заагаад, Америкийн сэтгүүлчид бүр Уханийн вирус судлалын төвөөр зочилж, коронавирусийн нөхцөл байдлын талаар дэлгэрэнгүй тайлбар авч байсныг онцолжээ.

Эцэст нь Хуа Чуньин нь АНУ-ын Ерөнхийлөгчийн зөвлөлийн орлогч Поттингерын мэдэгдэл нь тухайн хүний хувийн санаа юу эсвэл АНУ-ын албан ёсны байр суурь уу гэдгийн албаны хүмүүс тодруулж өгнө гэдэгт найдаж байгаагаа илэрхийлжээ.

АНУ-ын Төрийн нарийн бичгийн дарга Майк Помпео нь 2020 оны тавдугаар сард энэ сэдвээр мэдэгдэл хийхдээ шинэ корона вирус Ухань дах лабораторид бүтээгдсэн гэх “асар том нотолгоо” Вашингтонд бий гэж байсан ч түүнээолон нийтэд дэлгээгүй юм.