​ Коронавирусийн эсрэг вакцины тунг 5 дахин хэтрүүлж тарьсан хэрэг гарчээ

Германы Штральзунд хотын өндөр настын асрах газар ажилладаг 66-аас 82 хүртэлх насны найман хүнд коронавирусийн эсрэг вакцины тунг 5 дахин өндөр тунгаар тарьсан хэрэг гарчээ. Штральзунд хотыг багтаадаг Өмнөд Померани-Рюгеэн дүүргийн захиргаанаас энэ талаар мэдээлж, захиргааны тэргүүн нь “Болсон явдалд маш их харамсаж байна. Энэ бол хувь хүний алдаатай холбоотой цор ганц тохиолдол. Хохирсон хүмүүст хүнд хэлбэрийн гаж нөлөө бүү илрээсэй гэж хүсэж байна” гэжээ.

 “Pfizer” ба “BioNTech”-ийн хамтран бүтээсэн вакциныг зөвшөөрөгдсөн хэмжээнээс таван дахин өндөр тунгаар тариулсан хүмүүсээс дөрвийг нь яаралтай эмнэлэгт хэвтүүлж, бусдыг нь гэрт нь хариулсан байна. 

 Европын холбоо арванхоёрдугаар сарын 27-оос эхлээд “Pfizer” ба “BioNTech”-ийн хамтран бүтээсэн вакциныг хүн амд тарих кампанит ажлыг эхлүүлсэн. Вакциныг тус тусын Засгийн газраас тодорхойлолт авсан Герман, Франц, Испани, Австри, Болгар, Чех, Италийн иргэд хийлгэж байна. Европын холбооны иргэдэд вакцин үнэгүй. Европын холбоонд ашиглахыг зөвшөөрсөн цор ганц вакцин нь энэ вакцин. Вакцинжуулах кампанит ажлын эхний шатанд шаардлагатай вакциныг Бельги дэх “Pfizer” компанийн үйлдвэрт үйлдвэрлэжээ.