Хонконгийн цагдаа эсэргүүцлийн жагсаал зохион байгуулсан хүмүүсийг эрэн сурвалжилж эхэлжээ

Хонконгийн үндэсний аюулгүй байдлын тухай хуулийг зөрчсөн хэрэгт сэжиглэгдэж байгаа 30 орчим хүнийг тус газрын цагдаагийн газраас албан ёсоор эрэн сурвалжилж эхэлсэн тухай “South China Morning Post” сонин мэдээлсэн байна. Гэвч эдгээр хүмүүсийг олж баривчлах нь нэлээд асуудалтай байгаа аж. 

Энэ оны долоодугаар сарын 30-нд Хятадын ардын төлөөлөгчдийн хурлын байнгын хороо нь Хонконг дах үндэсний аюулгүй байдлыг хангах тухай хууль гэгчийг баталсан юм. Энэ хууль нь Хонконгт олон сарын турш тасралтгүй үргэлжилж байсан эх газрын Хятад, ХКН-ыг эсэргүүцсэн жагсаал цуглааныг зогсоох зорилготой байсан. Шинэ хуулиар салан тусгаарлах үзлийг дэмжиж, БНХАУ-ын төрийг үгүйсгэсэн, энэ зорилгоор гадаадын байгууллагатай хамтран ажилласан хүмүүст бүх насаар хорих хүртэл ял ногдуулж байхаар болсон. Хуулийг батлагдсаны дараагаар эсэргүүцлийг жагсаалыг зохион байгуулагчдын дийлэнх хилийн чанад руу дүрвэн гарахыг оролдсон. Одоогийн байдлаар 30 орчим хүн Хонконгийнцагдаагийн газраас нуугдан гадаад руу гарсан байгаа юм байна. Жишээлбэл, Хонконгийн парламентын гишүүд байсан Тед Хуэй, Сикстус Лян хоёр Их Британи, АНУ руу тус тус дүрвэн гарсан. 

Хонконгийн цагдаа нь албан ёсоор тэднийг эрэн сурвалжилж байгаа ч үндэсний аюулгүй байдлын тухай хуулийг баталсны дараа өрнөдийн улс орнууд Хонконгтойбайгуулсан гэмт хэргийн сэжигтэн шилжүүлэх гэрээгээ түр зогсоож байгаагаа мэдэгдсэн тул тэднийг гадаадаас баривчилж авчрах нь бараг боломжгүй байгаа аж.