Израйлд вакцин хийлгэсэн хүн нас баржээ

Даваа гарагт Израйлд “Pfizer” компанийн вакциныг тариулсан хүн зүрхний цочролын улмаас нас барсан тухай тус улсын Эрүүл мэндийн яамнаас мэдээлсэн байна. Мэдэгдэлд “Тэрээр өнөө өглөө корона вирусийн эсрэг вакцин хийлгээд удалгүй гэртээ нас барсан байна” гэжээ.

Энэ таагүй хэрэгтэй холбоотойгоор Израйлын ЭМЯ тусгай комисс гарган шалгалт явуулжээ. Энэхүү комисс нь шуурхай шалгалт явуулаад нас баралт нь вакцинтай холбоогүй гэсэн дүгнэлт гаргасан байна. Тодруулбал, 75 настай эрэгтэй нь зүрхний эмгэг, хорт хавдартай байсан, өмнө нь ч зүрхтэй холбоотой асуудалд орж байсан, нас барсан нь вакцинтай хамаагүй гэжээ. Иймд Израйлд явж байгаа вакцинжуулах кампанит ажлыг зогсоох үндэслэл байхгүй гэж үзсэн байна.