Оросын ЗГ яамдын орлогч дарга нарыг цомхотгожээ

Цар тахлын хүнд үед төрийн аппаратын үр ашгийг нэмэгдүүлэх арга хэмжээг авахаар болсноо ОХУ-ын Засгийн газар мэдэгджээ. Энэ арга хэмжээ нь холбооны буюу төв засгийн газрын бүтцэд багтдаг 45 яам, албыг хамрах юм байна. Нэгдүгээрт, бусад яам, албан газрын үйл ажиллагааг дэмжих чиглэлээр ажиллаж байсан 74 нэгж байгууллагыг татан буулгаж байгаа аж. Мөн төв ЗГ-ын бүтцэд багтдаг 37 яам, албаны орлогч дарга нарыг цомхотгохоор болжээ. Холбооны мэдлийн том албаны орлогч дарга нь цөөн хэдэн хүн ажилладаг жижиг нэгж удирдсан дүр эсгэж, дэмий суух нь ямар ч яам, албаны үр ашигтай байдалд яав ч сайнаар нөлөөлөхгүй гэж үзсэн гэж байна. 

Ингэснээр шийдвэрийн чанар ба шийдвэр гаргах шуурхай байдалд сөргөөр нөлөөлдөг, хамгийн гол нь хариуцлагыг нялзаах боломж олгодог бүх бүтэц, нэгжүүдийг татан буулгаж байгаа юм байна.

Түүнчлэн төрийн нүсэр аппаратыг өөрчлөх ажлын хүрээнд ЗГ-ын зарим тусгай сангуудыг татан буулгажээ.