Сугалаагаар олон зуун саяыг хожоод бие нь гэнэт мууджээ

Сугалаагаар 3,8 сая фунт хожсон хижээл насны Британи эмэгтэйн бие нь гэнэт муудсан тухай “Daily Mirror” бичсэн байна. Дайан Бейт гэгч 70 настай эмэгтэй хожлынхоо талаар ярихдаа “Би хожлынхоо хэмжээг хараад нүдэндээ итгээгүй. Тэгээд “Энэ ёстой байж боломгүй зүйл” гэж бодсон”. Би өмнө нь их бодож л 100 фунт хожиж явсан хүн шүү дээ” гэжээ. Ингээд итгэж өгөхгүй байсан тул 74 настай өвгөнөө дуудаж сэрээгээд сугалааны тасалбараа шалгуулж, дараа нь өвгөндөө сайн итгэхгүй ач охиноо дуудаж сэрээн давхар шалгуулж байж сая итгэжээ. Итгэсэн хойноо асар их мөнгө хожсон тухай бодлоос болж бие нь нэг хэсэг муудсан байна. Иймд Дайан нь тайвшрахын тулд сугалаагаа түр хойш тавиад хоол унд бэлдэн хэсэг сатаарсан аж.

Дайан нь цар тахлын хүнд хэцүү үед асар их мөнгө хожсоны ачаар эртнээс мөрөөдөж байсан илүү уужим, цэлгэр байраа худалдан авах боломжтой болсондоо их баяртай байгаа юм байна. Мөн АНУ, Канад руу зочилж, охин нь амьдардаг Австрали орж үзэхийг хүсэж байгаа ч цар тахал намжтал хүлээх нь зүйтэй гэж шийджээ. Мөн одоо мөнгөний гачланд орсон төрөл садны хүмүүстээ туслам боломж гарч ирлээ гэж сэтгүүлчдэд ярьсан байна.