Туркийн шүүх сөрөг хүчний сэтгүүлчид 27 жил хорих ял оноожээ

Туркийн шүүхээс “улс төрийн болон цэргийн тагнуул хийсэн” гэж ял тулгаад байсан сөрөг хүчний нөлөө бүхий сэтгүүлч Жан Дюндарт 27 жил 6 сар хорих оноосон тухай Туркийн “NTV”  суваг мэдээлжээ.

 Шүүх нь Дюндарыг Үндэсний тагнуулын албаны мэдлийн ачааны машинууд явах чиглэлийг олж мэдээд олон нийтэд ил болгосны төлөө 18 жил 9 сар хорих оноож, сөрөг хүчний алан хядах байгууллага “ФЕТО”-д тусламж үзүүлсний төлөө 8 жил 9 сая хорих ял оноосон юм байна.

 Гэхдээ Жан Дюндар нь одоогоор Герман руу дүрвэн, тэнд Туркийн тусгай албадаас нуугдаж байгаа тул шүүх хуралд оролцоогүй байна. Туркийн эрх баригчид Берлинд хандан Дюндарыг шилжүүлэн өгөхийг удаа дараалан шаардаж, 2018 онд Интерполын шугамаар эрэн сурвалжилж байгаа юм.

 Жан Дюндар 2015 онд “Cumhuriyet” сонины ерөнхий редактор хийж байхдаа Сири дэх лалын шашны хэт явцуу үзэлт зэвсэгт бүлэглэлүүдийг Туркийн тагнуулын алба сум, зэвсгээр ханган Сири руу ачааны машины цуваа явуулдаг тухай мэдээлэл олж авсан байна. Үүнээ сониндоо хэвлэсний дараа Туркийн тусгай албад Дюндарыг баривчилсан. Гэвч баривчлах явцад олон тооны зөрчил гаргасан тул шүүхээс түүнийг сулласан. Гэтэл тэр жилийн тавдугаар сард амь насанд халдах оролдлого гарсан тул Дюндар нь Герман руу дүрвэн гарчээ.