Улс орнууд Англитай агаарын харилцаагаа зогсоож эхэлжээ

Мутацид орж, өөрчлөгдөн өмнөхөөсөө 70 хувь халдвартай болсон COVID-19-ийг үүсгэгч Их Британиас  илэрсэн тухай мэдээлэл дэлхийн нийтийн анхаарлын төвд байна. Мутацид орсон корона вирус онцгой халдвартай гэдэг үндэслэлээр улс орнууд Их Британитай хийдэг агаарын харилцаагаа тодорхойгүй хугацаагаар хааж эхэлжээ. 

 Одоогийн байдлаар дараах улс орнууд Их Британиас нислэг хүлээж авахаа зогсоогоод байна. Үүнд:

Нидерланд, ОХУ, Франц, Герман, Итали, Литва, Австри, Болгар, Чех, Эстони, Латви, Польш, Норвег, 

Швейцар, Хорват, Финланд, Марокко, Канад, Аргентин, Колумб, Ирланд, Энэтхэг, Молдова, Хонконг

Израил, Турк, Саудын Арави, Оман, Португал. 

 Зарим орны нисэх буудлуудад Англиас ирсэн зорчигчдыг шинжилгээний хариу гартал тусгаарлаж, гэрт нь хариулахгүй байгаа тухай мэдээлж байна. 

 Гэсэн хэдий ч мутацид орж өөрчлөгдсөн вирусийн Нидерланд, Дани, Австрали, Итали дах өвдсөн хүмүүсээс илрүүлээд байгаа аж. Мутацид орсон вирусийг бүр есдүгээр сард илрүүлсэн ч энэ талаар дэлхийн нийтэд дуулаагүй байснаас ийнхүү хэдийн хил давж Австрали хүртэл тархаж амжсан бололтой. Мутацид орсон коронавирусээр өвдсөн хүний тоо арваннэгдүгээр сарын 24-ээс эхлэн огцом нэмэгдсэн юм байна. Үүний дараа арга буюу шинэ корона вирусийн мутацид орсон хувилбарын тухай дэлхий нийтэд мэдэгдэн, хязгаарлалтын илүү хатуу дэглэмд шилжсэн аж.

 Дэлхийн улс орнууд Их Британиас агаарын харилцаагаа тасалж эхэлж байгаа бол британичүүд халдвар хамгийн их газар авсан Лондон хотод түгжигдэхээс эмээж, хотыг олон мянгаараа орхин гарч байна. Одоо хүн амьтангүй эл хуль болсон Лондон хотын төв  “28 Days Later” гэдэг аймшгийн кинон дээр гардагтай төстэй болоод байгаа юм байна.