БНХАУ эрчим хүчний нүүрсний гачигдалд оржээ

БНХАУ нь Австралиас нүүрс импортлохоо зогсоосонтой холбоотойгоор эрчим хүчний нүүрсний гачигдалд орж, олон хотын дулааны станцууд хэмнэлтийн горимд шилжиж, цахилгааны хязгаарлалт хийж байгаа тухай “Financial Times” мэдээлсэн байна.

 “China Huadian Corporation” эрчим хүчний компанийн нэг захирал нь “Financial Times”-д ярихдаа “Эрчим хүчний салбарт тогтсон байдлыг өөрчлөхийн тулд импортыг хязгаарлахад л хангалттай байсан. Орон нутгийн олон үйлдвэр, цахилгаан станцууд хангалттай өндөр илчлэг бүхий Австралийн нүүрснээс хамааралтай. Тиймээс одоо түүнээ орлуулах нүүрс хайж асуудалд ороод байна” гэжээ. 

 Тухайлбал, Хунань мужийн удирдлага нь цахилгаан хэмнэх үүднээс шөнөдөө гудамж талбайн гэрэлтүүлгийг унтрааж байхаар шийдсэн. Чанша хотын өндөр барилгууд цахилгаан хэмнэхийн тулд цахилгаан шатнуудаас түр зогсоох хүртэл арга хэмжээ авснаар оффисын олон мянган ажилтнууд ажилдаа очихын тулд дээд давхрууд руу шатаар өгссөн юм байна.

 Консалтингийн “SunSirs” компаниас мэдээлж буйгаар БНХАУ-ын түүхий эдийн толгой боомт Циньхуандао дах эрчим хүчний нүүрсний нөөц нь сүүлийн хоёр жилийн хамгийн доод хэмжээнд хүрсэн төдийгүй, орон нутаг дах эрчим хүчний нүүрсний үнэ Австралийн нүүрсийг хорихын өмнөх үеийнхээс 60 хувиар өсөөд байгаа аж.