Оросууд Австрал оронд 70 сая тонн нүүрс нийлүүлэхэд бэлэн биш байна

БНХАУ нь Австралийн нүүрсэнд хориг тавьсан явдал нүүрс экспортлогч орнуудын анхаарлыг маш ихээр татаж байна. Аварга том Хятадын зах зээлд баталгаатай нийлүүлэгч болохыг бүгд хүсэж байдаг болохоор арга ч үгүй биз. Харин Австралийн хувьд Хятадын эрх баригчдын авсан хориг арга хэмжээ тун таагүй тусаж байгаа нь ойлгомжтой. 

 Ямар сайндаа л Австралийн Ерөнхий сайд СкоттМоррисон БНХАУ-ын олон улсын чөлөөт худалдааны дүрмийг зөрчиж байна гэж буруутгасан байна. Улмаар Хятад нь Австралиас авдаг байсан нүүрсээ Оросоос импортлон авч орлуулах тухай яригдаж байгаатай холбоотойгоор Хятадыг чөлөөт худалдааны дүрмийг зөрчиж, худалдааны шударга бус арга мэх хэрэглэхэд ОХУ туслаж байна гэж зэмлэжээ.

 Гэвч Хятадын тал Австралийн нүүрсийг авахаас татгалзаж байгаа нь хориг арга хэмжээ огт биш гэж мэдэгдэж байна. Тэд БНХАУ нь дотоодын эдийн засгаа дэмжихийн тулд нүүрсний хэрэглээгээ багасгах бодлого баримталж эхэлсэн тул арга буюу Австралиас авдаг нүүрсээ багасгасан гэсэн тайлбар өгсөн байна. Гэхдээ манай хойд хөршийн богино хугацаанд 70 сая тонн нүүрс Хятад руу экспортлоход хараахан бэлэн биш байгаа гэдгийг мэргэжилтнүүд онцолжээ. Иймд БНХАУ нь Өмнөд Америкийн Колумб, Өмнөд Африкаас нүүрс импортлон нөхөж байгаа аж.