Туркменд тахианы гуянаас болж олныг хамарсан зодоон болжээ

Туркмен улсын Мара хотын зах дээр тахианы гуянаас авах гэсэн хүмүүс зодоон хийж, эмх замбараагүй байдал үүсгэсэн байна. turkmen.news сайтын мэдээлснээр Мара хотын зах зээд улсын үнээр, өөрөөр хэлбэл зах зээлийнхээс хавьгүй хямд үнээр тахианы гуя зарах гэж байгаа тухай яриа тарсан байна. Улмаар Мара хотын иргэд тахианы мах хямд авахаар олноор дугаарлан зогсох үеэр хотын захын жижиг тосгодоос олон зуун хүн автобусаар ирснээр маргаан үүсжээ. Хотын оршин суугчид тахианы гуяыг зөвхөн хотынхон авах ёстой гээд тосгоны хүмүүсийг дугаарлаж зогсохгүй гэснээс болж зодоон эхэлжээ. Зодоон нь сүүлдээ олныг хамарсан үймээн болж магадгүй болоход олон тооны цагдаа нар ирж хүчээр тараасан байна.

Туркменистан улсад хуучин социалист системийн үеийнх шиг зах зээлийн хэлбэлздэг үнээр хангалттай арвин сонголттой бараа зардаг тохиролцооны дэлгүүр ба цөөн нэр төрлийн барааг тогтмол хямд үнээр зардаг улсын дэлгүүр гэсэн хоёр төрлийн дэлгүүр зэрэг үйл ажиллагаа явуулдгаас ийм байдал үүсжээ. 

Дийлэнх иргэд тохиролцооны дэлгүүрээс бараа авч дийлдэггүй тул тогтмол хямд үнээр зардаг улсын дэлгүүрүүдээ ээрдэг юм байна. Ингэснээр тохиролцооны дэлгүүрт 1 кг алим 55 манат хүрдэг байхад улсын дэлгүүрт ердөө 15 манат байдаг аж. Иймд хүмүүс хаана байдаг улсын дэлгүүрт хэдийд ямар хэмжээгээр хямд бараа ирэхийг тодруулахад их цаг зарцуулдаг, тодруулсны дараа уртаар дугаарлан зогсож авах гэж хэцүү даваа туулдаг ажээ.