Трамп Цагаан ордноос сайн дураараа явахгүй

АНУ-ын одоогийн Ерөнхийлөгч Дональд Трамп нь сонгогдсон Ерөнхийлөгч Жо Байденыг тангараг өргөх өдөр Цагаан ордныг сайн дураар орхин явахыг хүсэхгүй байгаа тухай “CNN” агентлаг мэдээлсэн байна.

Трамп зөвлөхүүдтэйгээ ярилцах үеэрээ Байден тангараг өргөх нэгдүгээр сарын 20-нд Цагаан ордноос өөрийн хүсэлтээр явахаас татгалзах тул хүчээр авах явах хэрэгтэй болно гэж хэлснийг тус агентлагийн эх сурвалж нь мэдээлсэн юм байна. Зөвлөхүүдийн зарим нь Трампынийм ярианд сэтгэл түгшсэн хэдий ч одоогийн Ерөнхийлөгч үнэхээр ийм авир гаргана гэдэгт итгэхгүй байгаа аж. “CNN”-ий эх сурвалж “Тэр явна л даа. Зүгээр л уур нь хүрсэн хэрэг” гэжээ.

Үүний өмнө Трампыг нэгдүгээр сарын 20-нд нисдэг тэргээр Цагаан ордноос нисэн холдоод, үргэлжлүүлж “Air Force One” онгоцоор Флорид мужид хүрч, дэмжигчдийнхээ хамт том цуглаанд оролцох үеэрээ 2024 оны Ерөнхийлөгчийн сонгуульд оролцоно гэдгээ албан ёсоор мэдэгдэх замаар нийслэлд явагдах бүх ёслолын ажиллагаанаас зугтах гэж байгаа тухай “Axios” сайт мэдээлж байсан юм.

Тогтсон уламжлал ёсоор Ерөнхийлөгчийг тангараг өргөх өдөр сүмд мөргөл үйлдсэний дараагаар ирээдүйн Ерөнхийлөгч ба дэд Ерөнхийлөгч хоёр Цагаан ордонд ирж, өмнөх хүмүүстэйгээ уулзах цай уудаг. Дараа нь хамтдаа Капитолийн толгод дээрх төрийн ордонд хүрч, сонгогдсон Ерөнхийлөгч ба дэд Ерөнхийлөгч хоёр нь тангараг өргөдөг. АНУ-ын түүхэнд албан тушаалаасаа бууж байгаа Ерөнхийлөгч орыг нь авч байгаа хүний тангараг өргөх ёслолд оролцохоос татгалзсан тохиолдол ердөө гурав гарч байжээ. Тодруулбал, 1801 он Жон Адамс, 1829 онд Жон Куинси Адамс, 1869 онд Эндрю Жонсонингэж татгалзаж байжээ.