“Facebook”-ийг хүчээр задалж магадгүй

Энэ долоо хоногт Америкийн эрх баригчид “Facebook” компанийн эсрэг хамтарсан зарга гаргасан нь энэхүү олон нийтийн сүлжээний салбарын үлэмж биет компанийг хүчээр бутлах гэсэн хамгийн ноцтой оролдлого болсон тухай “The Hill” бичсэн байна.

Шүүхэд АНУ-ын 48 муж ба харьяат газар нутгийн прокурорууд ба АНУ-ын Холбооны худалдаан комиссоос хандан заргасан үүсгэсэн байна. 

Энэ бүх зарга хоорондоо тун ялихгүй ялгаатай ч бүгд “Facebook”-ийг олон нийтийн сүлжээний зах зээл дээр өрсөлдөөнийг бууруулах зорилгоор өрсөлдөгч компаниудаа худалдан авснаар хэрэглэгчдэд хүртээмжтэй хувилбаруудын чанарыг эрс бууруулсан гэдэг дээр санал нийлсэн байна. 

Иймд хэрэглэгчдийн эрх ашгийг хамгаалах үүднээс “Facebook”-ийн мэдэлд байгаа зарим олон нийтийн сүлжээг албан хүчээр худалдах замаар асуудлыг шийдэхийн Ерөнхий прокурорууд болон монополийнэсрэг албаныхан санал болгожээ. Тодруулбал, шүүхээс шийдвэр гарган 2012 ба 2014 онуудад “Facebook”-ийн худалдан авсан “Instagram” ба “Whatsapp” хоёрыг хүчээр худалдахыг хүсэлт гаргажээ.

“Facebook” компани зах зээлд монопол байдалтай болсноор реклам өгөгч компаниудыг илүү өндөр үнээр, цөөн боломж бүхий талбарууд дээр хүчээр сурталчилгаа байрлуулдаг болгож хохирол учруулсан гэж Холбооны худалдааны комисс үзсэн байна. 

Үүний хариуд төрийн хяналтын байгууллагуудад нэр гарсан бүх худалдан авалтыг зогсоож, болиулах бүрх эрх мэдэл байсаар атал, зөвшөөрсөн гэдгийг “Facebook” сануулсан байна. “Facebook”-ийн хуулийн ерөнхий зөвлөх болох Женнифер Ньюстед нь “Энэ бол урваж шарвасан явдал. Үнэн хэрэг дээрээ комиссын өөрөө хэдхэн жилийн өмнө эдгээр худалдан авалтыг зөвшөөрсөн гэдэг хамгийн чухал баримтыг 53 нүүр заргадаа дурдалгүй өнгөрсөнбайгаа юм. Одоо Засгийн газар нь цаашдаа ямар ч худалдан авалт эцсийн биш гэсэн айдас төрүүлэм анхааруулга явуулж, бүгдийг шинээр эхлүүлэх гэж байна”гэжээ.