Швед батлан хамгаалах төсвөө 40 хувиар нэмэгдүүлнэ

Швед улс ойрын таван жил батлан хамгаалах төсвөө даруй 40 хувиар өсгөхөөр болсон тухай “Euronews” мэдээлж байна. Энэ батлан хамгаалах төсвөө сүүлийн 70 жил байгаагүй их хэмжээгээр өсгөсөн хэрэг болсон аж. Шведийн эрх баригчид цэргийн зардлаа ингэж их өсгөх болсныг ОХУ-ын явуулж байгаа бодлогоор тайлбарлажээ.

Тухайлбал, тус улсын Батлан хамгаалахын сайд ПетерХультквист “Энэ бол Гүржийн эсрэг Оросын түрэмгийлэл, Крымийг хүчээр нэгтгэсэн явдал, Украйн дайн дан мөргөлдөөн, Беларусын авир байдал, Оросын батлан хамгаалах боломж нэмэгдсэн байдал, өргөн хүрээтэй хээрийн сургууль, Арктик ба Балтын тэнгис орчим идэвх нэмэгдсэн зэрэг аюулгүй байдлын салбар дах шинэ нөхцөл байдлаас үүдсэн юм. Бид батлан хамгаалах салбар дах шинэ орчныг олж харсан түүнчлэн зарим улс орон улс төрийн зорилгод хүрэхийн тулд цэргийн хүчээ ашиглаж байгааг олж харлаа” гэж тайлбарлажээ.

Ийнхүү Шведийн батлан хамгаалах огцом нэмэгдсэнээр 2025 он гэхэд 9 тэрбум еврод хүрнэ. Нэмэгдсэн төсвийн нэлээд хувийг кибер орчин дах хамгаалалт ба давшилтын боломжийг нэмэгдүүлэхэд зарцуулах аж. 

Одоогоор Швед нь батлан хамгаалах салбартаа ДНБ-ийхээ 1,1 хувийг зарцуулж байгаа аж. Төсвөө нэмснээр 2030 он гэхэд зэвсэгт хүчний бие бүрэлдэхүүний тоо нь одоогийн 55 мянгаас 90 мянга болж нэмэгдэнэ.

Швед нь НАТО-ийн гишүүн бус орон.

Европын холбоо интернэт эдийн засгаа жура