Хөвсгөл аймгийн Ренчинлхүмбэ сумын багш нар согтууруулах ундаа хэрэглэсний улмаас осолдож нэг багш амиа алджээ

Хөвсгөл аймгийн Рэнчинлхүмбэ суманд энэ сарын 13-ний шөнө тус сумын ЕБС-ийн багш нар архи согтууруулах ундаа хэрэглэсэн үедээ осолдож, Монгол хэлний багшаар ажилладаг 28 настай Н  харамсалтайгаар амь насаа алдсан хэрэг гарчээ. Тухайн үед автомашиныг жолоодож явсан жолооч нь согтуу байсан гэх мэдээлэл байгаа юм.

Бид энэ талаар Тээврийн цагдаагийн албанаас тодруулахад 2020.12.13-ний шөнийн 04:20 цагийн орчимд Хөвсгөл аймгийн Рэнчинлхүмбэ сумын 6 дугаар багийн нутаг дэвсгэр Цагаан булаг гэх газар шороон замд Kia Bongo маркийн Э жолоочтой автомашин онхолдож, зорчигч 28 настай, эмэгтэй Н-ийн амь нас хохирсон гэх мэдээллийг өглөө.

Иймд иргэд та бүхнийг согтууруулах ундаа хэрэглэсэн үедээ тээврийн хэрэгсэл жолоодохгүй байхыг онцгойлон анхааруулж байна.