“СИТИ” Их сургуулийн хавсарсан хөтөлбөрийн оюутнууд цинхуа их сургуульд суралцаж байна

БНХАУ-ын Цинхуа Их сургуулийн International Construction Project Management (ICPM) хөтөлбөрийн шинэ оюутнуудад зориулсан чиглүүлэх, танилцуулах долоо хоногийн арга хэмжээ зохион байгуулагдлаа. Тус арга хэмжээнд “СИТИ” Их сургуулийн Ерөнхийлөгч, доктор, профессор Ц.Байгалмаа, Эрдэм шинжилгээ, инноваци эрхэлсэн захирал, доктор, дэд профессор Г.Цэнгүүн нар урилгаар оролцож, хавсарсан хөтөлбөрийн хүрээнд Цинхуа Их сургуулийн ICPM хөтөлбөрт суралцаж буй оюутнуудтай уулзлаа.

Арга хэмжээний үеэр “СИТИ” Их сургуулийн Ерөнхийлөгч Ц.Байгалмаа болон Цинхуа Их сургуулийн профессор багш нар шинэ оюутнуудад мэндчилгээ дэвшүүлж, хөтөлбөрийн сургалтын агуулга, академик орчин, суралцах үйл явц болон оюутнуудад тавигдах шаардлагын талаар мэдээлэл өглөө. 2026 - 2027 оны хичээлийн жилээс “СИТИ” Их сургуулийн хавсарсан хөтөлбөрийн оюутнууд дэлхийн тэргүүлэх их сургуулиудын нэг болох Цинхуа Их сургуулийн International Construction Project Management хөтөлбөрт ийнхүү суралцаж эхэллээ. Энэхүү хөтөлбөр нь оюутнуудад олон улсын академик орчинд суралцах, мэдлэг ур чадвараа ахиулах, дэлхийн түвшний профессор, судлаачдаас суралцах боломжийг бүрдүүлж байна.