Энэтхэгийн Засгийн газар болзошгүй дайнд ашиглах нөөц бий болгоно

Энэтхэгийн Засгийн газар дайн гарсан нөхцөлд ашиглах буу зэвсэг, сум гал хэрэгслийн нөөцөө 15 хоногийнхоор нэмэгдүүлэх зөвшөөрлийг зэвсэгт хүчиндээ өгсөн тухай “Times of India” сонин мэдээлсэн байна.

Тодруулбал Зүүн Ладакхад Хятадтай зэвсэгт тулаан эхлүүлсэн нөхцөлд ашиглах зорилгоор зэвсэг, сумны нөөцөө 15-I түвшинд хүртэл нэмэгдүүлэхийг зөвшөөрч. Энэ нь Хятад ба Пакистаны эсрэг хорё фронтоор нэгэн зэрэг 15 хоног эрчимтэй байлдааны ажиллагаа явуулахад хүрэлцэх хэмжээний нөөц гэсэн үг юм байна. Сум, зэвсгийн Энэтхэгийн болон гадаадын үйлдвэрлэгчдээс худалдан авах аж.

Хуучин Энэтхэгийн зэвсэгт хүчин 40 хоног байлдааны ажиллагаа явуулахад шаардлагатай сум, зэвсгийн нөөцтэй байх ёстой байсан ч хадгалалтын бэрхшээл болон байлдааны шинэ тактикийн нөлөөгөөр нөөцийн хэмжээг 10 өдрийнх болгож багасгаад байжээ. 

Зэвсэг, сум худалдан авахад 500 тэрбум рупи төсөвлөсөн байна.