Орон нутгийн иргэдийг 12 дугаар сарын 18-н хүртэл явуулна

Улаанбаатар хотод байгаа орон нутгийн харьяалалтай иргэдийн зорчих хөдөлгөөнийг өнөөдөр хаах байсан. Тэгвэл дахин дөрөв хоногоор сунгаж энэ сарын 18-ны 06:00 цаг хүртэл сунгахаар болжээ. Харин зорчих иргэд PCR шинжилгээ заавал өгсөн байх ёстой. Мөн энэ сарын 24 хүртэл хүнс, шатахуун, өвс тэжээл, эм, эмнэлгийн хэрэгсэл ачсан авто тээврийн хэрэгслийн жолооч, албан томилолт, буяны ажилд оролцох зэрэг хүндэтгэн үзэх шалтгаантай иргэдийг PCR шинжилгээний хариуг үндэслэн явуулахаас бусад тохиолдолд хотоос аймаг, сум чиглэсэн хөдөлгөөний хязгаарлалт хэвээр үргэлжилнэ.

Халдвар гараагүй аймаг, сумаас Улаанбаатар хот руу ирэх иргэд асуумж бөглөх бөгөөд халдвартай аймаг, сумаас ирэх бол PCR шинжилгээ өгөх. Хэрэв тухайн орон нутагт PCR аппарат байхгүй бол түргэвчилсэн оношлуураар шинжилгээ өгөх ёстой юм байна.