160 сугалааны тасалбараар 800 мянган доллар хожжээ

АНУ-ын Виржиниа мужийн Дамфрис хотод оршин суудаг азтан “Pick 4” сугалаагаар 800 мянган доллар хожсон тухай UPI сайт мэдээлсэн байна.

Квами Кросс гэгч энэ хүн Pick 4 сугалааны 160 ширхэг адил тасалбар худалдан авсан байна. Тасалбаруудаа ТВ шоугаар гарсан тоогоор бөглөсөн байж. Тэрээр энэ талаар ярихдаа “Би нэвтрүүлэг үзэж байгаад арын фон дээр гарсан хаяг дээрх тоог яагаад ч юм тогтоогоод авчихсан байсан юм. Хэрэг болно гэж зөнгөөрөө мэдсэн байна л даа” гэжээ.

Ингэснээр Кроссын 160 тасалбарын ширхэг бүр нь түүнд 5000 долларын шагнал авчирсан нь нийт 800 мянган доллар болжээ. Кросс хожлын тухай ярихдаа “Би ийм юм баймааргүй юм гээд итгээгүй. Машинаа зогсоол дээр тавьж байгаад сугалааны тохирлыг бараг 82 удаа харьцуулж шалгасан. Ёстой байж боломжгүй юм болсон шүү!” гэжээ.

Цар тахлын хүн хэцүү үед тун ч хэрэг болох хожил гэдэгтэй бүгд санал нийлэх байх.