Т.Доржханд: АТГ-ыхан төрийн өмчит үйлдвэрийн газруудад ханцуй шамлан шалгалт явуулах хэрэгтэй

УИХ-ын гишүүн Т. Доржханд: Дэлхий даяар таран суурьшсан манай судлаачид дэлхийн 200 улсыг хөгжил, соёл, уламжлалаар нь судалж үзсэн. Судалгаанаас өндөр хөгжсөн орнууд хамгийн эхэнд авилгын асуудлаа шийдэж чадсан байна. Манай улс асуудлаа шийдэж чадаагүй 70 улсын тэргүүн магнайд явж байна лээ. Тиймээс энэ авилгын асуудлаа нэг мөр шийдэх хэрэгтэй. Хамгийн их авилга авч байгаа газар нь төрийн өмчит үйлдвэрийн газрынхан байна. Эрдэнэт ТӨҮГ-ын худалдан авалт нэг тэрбум доллар байгаа. Мөн Тавантолгой ТӨҮГ-ын захирлууд хамгийн үнэтэй виски, коньяак уудаг гээд найзууд маань хүртэл ярьж байна. Онгоц захиалаад амарч, салхинд гарч байна. АТГ-ынхан ТӨҮГ луу ханцуй шамлан орох хэрэгтэй. Хамгийн том хулгай энэ газруудад явагдаж байна.