90 настай ахмад Их Британид коронавирусын вакцин хийлгүүлсэн анхны хүн боллоо

Английн Ковентри хотын оршин суугч 90 настай Маргарет Кинан нь Их Британид коронавирусын вакцин хийлгүүлсэн анхны хүн боллоо.

Ирэх долоо хоногт 91 нас хүрэх Маргарет Кинан вакциныг төрсөн өдрийн хамгийн сайхан бэлэг гэжээ. Нийтдээ Их Британи дахь олон нийтийн вакцинжуулалтын хөтөлбөрийн хүрээнд эхний долоо хоногт 800 мянган тун вакцин хэрэглэх бөгөөд энэ нь заавал хийх вакцинжуулалтыг харгалзан 400 мянган хүнд зориулагдсан байна.

 Арванхоёрдугаар сарын сүүлчээр дахин дөрвөн сая тунг хүргэх төлөвлөгөөтэй байна. Юуны өмнө вакцинжуулалтын хөтөлбөр нь 80-аас дээш насны ахмад настан, эмнэлгийн ажилчдад зориулагдсан байна. Их Британи нь коронавирусын эсрэг вакцинжуулалтыг эхлүүлсэн барууны анхны улс болов гэж Ройтерс хэлэв. Вакцинжуулалтын кампанит ажил АНУ, Европын холбооноос эрт эхэлсэн. Цар тахал Европын бусад олон улсаас илүү Их Британид хүндээр тусч, энд 60,000 гаруй хүн ковид өвчнөөр нас баржээ.