УОК өнөөдөр хуралдаж, зарим шийдвэрүүдийг гаргана

Коронавируст цар тахал дотоодод бүртгэгдсэнтэй холбогдуулан голомтлон тархаж буй газруудад хатуу хөл хориог хэсэгчлэн энэ сарын 11 хүртэл сунгаад байгаа билээ. Тодруулбал Улаанбаатар хот, Сэлэнгэ аймаг, Архангай аймагт бүх нийтийн бэлэн байдлын зэрэгт хэвээр байгаа бол бусад аймагт өндөржүүлсэн бэлэн байдлын зэрэгт байгаа юм. Тэгвэл Улаанбаатарт бүх нийтийн бэлэн байдлын зэргийг дахин гурван хоног буюу 12 сарын 11-14 хүртэл, Харин Архангай, Сэлэнгэ аймагт бүх нийтийн бэлэн байдлын зэргийг дахин 14 хоног сунгах хувилбарууд яригдаж эхэлжээ. 

Засгийн газрын ХМОНХХ-ийн дарга Ц.Ганзориг "Өнөөдөр УОК хуралдаж, Лхагва гарагт Засгийн газрын хурлаар халдварын эсрэг бодит үр дүн дээр шийдвэрүүд гаргана. Засгийн газар, Улсын Онцгой комисс нийгэм эдийн засгийн асуудлуудаа зэрэгцүүлж хэлэлцэж байна"  гэж өөрийн цахим хуудсаараа дамжуулан мэдэгджээ.