Н.Алтанхуяг: Шинжилгээ авчаад хариуг нь тоохгүй тэр чигт нь гаргана гэсэн чинь юу гэсэн үг вэ

УИХ-ын чуулганы нэгдсэн хуралдаанаар 2021 оны төсөвт бүхэлд нь тавьсан Ерөнхийлөгчийн хоригийг хэлэлцэж байна. 

Энэ үеэр УИХ-ын гишүүн Н.Алтанхуяг "МАН-ын бүлэг Ерөнхийлөгчийн хоригийг хүлээж авахгүй гээд шийдчихсэн юм билээ. Бид цаг л барж байна. 2021 он ковидийн төсөв батлаагүй. Сонгуулийн төсвийг баталж явсаар  Ч.Хүрэлбаатар гэдэг дураараа нөхөр төсөвт тодотгол хийлгүй гүрдийсээр байгаад 1 тэрбум 700 саяын алдагдалтай төсөв баталсан. Эцсийн эцэст Засгийн газрын царцсан мөнгөнүүдийг л батлаад өнгөрлөө. Одоо араас нь явах байх. Салхины өөдөөс шээх гэсэн үг шиг л байна. Асуудал ярья. Өчигдөр орой 22.30 цагийн орчимд нэг хүн миний утас руу тасралтгүй залгаад автал шинжилгээ авчихаад хариуг нь хүлээлгүй хотоос гаргана гэдэг талар ярьж би баахан загинууллаа. Загинуулахаа ч өөр яахав. Ингэж ажиллаж яах гэсэн юм бэ? Энд төсөв мөнгө, хориг яриад сууж байх хооронд ковидийг албан ёсоор тараагаад байгаа юм биш үү. Автобусанд бөөгнүүлдэг, шинжилгээ авна гэж бөөгнүүлнэ. Шинжилгээ авна гэж бас бөөгнүүлнэ. Шинжилгээний хариугаа тоолгүй гаргадаг чинь одоо юу вэ?