С.Ламбаа: Ковидын вакцинд 300-400 орчим тэрбумын зардал шаардлагатай

УИХ-ын чуулганаар Ерөнхийлөгчийн хоригийг хэлэлцэж байна. 

С.Ламбаа:Олон улсын байгууллагаар дамжуулж вакцин авдаг тогтолцоог Монгол Улс дархлаажуулалтын хуульдаа оруулсан. Гэхдээ энэ бол хүүхдийн товлолт вакцинд л хамаатай болохоос биш бусдад нь ямар ч хамаагүй. Ер нь олон улсын байгууллагаар дамжуулж бүх вакцинаа авна гэвэл үүн шиг худал зүйл байхгүй. ДЭМБ 192 орондоо бүгдэд нь л нэг юм амсуулахыг боддог. Бид энэ зовлонг үзсэн улс шүү дээ. Дээд тал нь 10-20 хувийг л авна. Бусдыг нь төсвийнхөө хөрөнгөөр худалдаж авдаг. 

ЭМЯ-наас гаргасан судалгаанд вакцины нэг нэгж тунг 2-5 ам.доллароор тооцсон юм билээ. Тэгээд 50 сая ам.доллар зээлнэ гээд байгаа. Үнэн хэрэг дээрээ вакцины зарлагдсан үнэ нь 25-37 ам.доллар гэж байна. Хоёр тунгаар бодохоор хэд болох вэ. 300-400 орчим тэрбум төгрөг шаардлагатай болно. Дээр нь тээвэрлэлт нэмэгдэнэ. Маш нарийн горимоор тээвэрлэдэг. Тээврийн зардалд өндөр үнэ төлдөг.