​УОК: Иргэдийн арилжааны зээлийг царцаах асуудлыг судалж байна

УОК-оос хөл хориог 23.00 цагаас эхлэн чангатгаж байгааг мэдэгдээд цаг үеийн асуудлаар сэтгүүлчдийн асуултад хариулав. Энэ үеэр олон хоногийн хөл хорио тогтоож байгаа учраас иргэдийн арилжааны банкин дахь зээл болон түүний эргэн төлөлтөд өөрчлөлт оруулж, царцаах асуудлыг ярилцаж байгаа эсэхийг сэтгүүлч тодруулсан юм. 

Энэ асуудлаар ОБЕГ-ын дарга Г.Ариунбуян "Бид онцгой байдлын үед хүнсний хангамжийн тогтвортой байдлыг хангах чиглэлд анхаарч ажиллаж байгаа. Энэ чиглэлийн арга хэмжээгээ нэн тэрүүнд авч байгаа. Банкны зээлтэй холбоотой асуудлыг бид судалж байна. Зарим иргэн байгууллагаас банкны үйлчилгээ хэвийн явагдахгүй байна гэдэг талаар санал хүсэлт ирсэн. Бид хэд энэ асуудлыг судалж байна" гэлээ.