Т.Мөнхсайхан: Хавьтлын тоо 2800-д хүрсэн, даваа гарагт шинжилгээнд хамруулж дуусна

Эрүүл мэндийн сайд Т.Мөнхсайхан:

Сэлэнгэ аймагт илэрсэн сэжигтэй тохиолдол нь арваннэгдүгээр сарын 6-наас зовиур илэрсэн. Ингээд хоёр удаагийн шинжилгээгээр эерэг гарсан. Саяны "Энхсаран" сувилалаас гарсан голомттой холбоогүй байх магадлалтай. Хугацааны хувьд тооцохоор. Тир машины жолоочтой анхдагч, хоёрдогч байдлаар хавьталд орсон байдал тогтоогдоогүй. Тиймээс өөр голомт байх магадлал байна гэж үзэж байгаа. 

 Эм тариа, хамгаалах хэрэгсэл, оношлуур одоогоор хангалттай бий. Бүх дүүрэгт үзлэг оношилгоо хийх цэгүүдийг нээсэн. Маргаашнаас үйл ажиллагаа нь эхэлнэ. Иргэдийг харьяаллынх нь дагуу үзнэ. Хоёр төрлийн шинжилгээ үзнэ. Нийт хавьтлын тоо 2800-д хүрсэн. Тэдний ирэх даваа гарагт шинжилгээнд хамруулж дууссан байна гэв.