“Шударга түншлэл” төрийн бус байгууллага 45 сая төгрөг авчээ

 “Шударга түншлэл”  төрийн бус байгууллагын эзэмшигч нь Цэгмид овогтой Энхцогт. Энхцогт нь Оюутолгой хувьцаат компанийн ТУЗ-ийн даргаар ажиллаж байсан Ц.Түмэнцогтын төрсөн дүү юм. Тус төрийн буё байгууллага нь  таван удаагийн гүйлгээгээр 45 сая төгрөгийг төсвөөс авчээ.

Төрийн өндөр албан тушаалтнуудын хамаарал бүхий төрийн бус байгууллагаар их хэмжээний мөнгө гаргасан тохиолдол үүгээр зогсохгүй үргэлжилнэ. 2020 он гарсаар эхний 9 сарын байдлаар зөвхөн төрийн бус байгууллагт 2 тэрбум 727 сая төгрөг шилжсэн байгаа юм. Тэр дундаа сонгуулийн дараа буюу шинэ парламент байгуулагдсанаас хойшхи 8,9 дүгээр сард 1 тэрбум төгрөгийн гүйлгээ хийгдсэн нь анхаарал татаж байна. Тодруулбал 8 дугаар сард  давхардсан тоогоор 41 төрийн бус байгууллагтай 539 585 000 төгрөгийн гэрээ,  9 дүгээр сард  давхардсан тоогоор 38 төрийн бус байгууллагтай 511 025 000 төгрөгийн гэрээ хийжээ.